ប៉ាឡេស្ទីន កំពុងប្រឈម​នឹង​សម្ពាធ ដើម្បី​បន្ត​ការ​សម្របសម្រួល​សន្តិសុខ​ ជាមួយ​អ៊ីស្រាអែល

រ៉ាម៉ាឡា៖ មន្ត្រីប៉ាឡេស្ទីន កំពុងប្រឈមមុខនឹងសម្ពាធអន្តរជាតិ ដើម្បីបន្តការសម្របសម្រួលផ្នែកសន្តិសុខ ជាមួយអ៊ីស្រាអែល ដែលត្រូវបានកាត់ផ្តាច់ក្នុ...

រ៉ាម៉ាឡា៖ មន្ត្រីប៉ាឡេស្ទីន កំពុងប្រឈមមុខនឹងសម្ពាធអន្តរជាតិ ដើម្បីបន្តការសម្របសម្រួលផ្នែកសន្តិសុខ ជាមួយអ៊ីស្រាអែល ដែលត្រូវបានកាត់ផ្តាច់ក្នុងការឆ្លើយតប ទៅនឹងការឈ្លានពាន របស់អ៊ីស្រាអែលនៅតំបន់ West Bank ។

ទោះជាយ៉ាងណាក៏ដោយ លោក Sabri Seidam អនុប្រធានគណៈកម្មាធិការកណ្តាលនៃចលនា Fatah របស់ប្រធានាធិបតីប៉ាឡេស្ទីន លោក Mahmoud Abbas បានប្រាប់ “សំឡេងនៃប៉ាឡេស្ទីន” នៅថ្ងៃសៅរ៍កន្លងទៅនេះ។

កាលពីយប់ថ្ងៃសុក្រ លោក Abbas បានធ្វើជាប្រធានកិច្ចប្រជុំមួយ ដើម្បីពិភាក្សាអំពីលទ្ធផលនៃកិច្ចប្រជុំរបស់គាត់ ជាមួយមន្ត្រីអារ៉ាប់ និងរដ្ឋមន្ត្រីការបរទេស សហរដ្ឋអាមេរិក លោក Anthony Blinken ក្នុងអំឡុងពេលដំណើរទស្សនកិច្ចរបស់លោកនៅមជ្ឈិមបូព៌ា។

លោក Bassam Al-Salihi សមាជិកនៃគណៈកម្មាធិការប្រតិបត្តិ នៃអង្គការរំដោះប៉ាឡេស្ទីន បានប្រាប់អ្នកយកព័ត៌មានថា សម្ពាធជាច្រើនត្រូវបាន “ដាក់លើការដឹកនាំ ដើម្បីបញ្ច្រាសការសម្រេចចិត្តរបស់ខ្លួន” ។

លោក​បាន​បន្ថែម​ថា “កិច្ច​ប្រជុំ​បាន​សង្កត់​ធ្ងន់​ថា​ការ​ផ្តាច់​ការ​ សម្រប​សម្រួល​សន្តិសុខ ​ជាមួយ​អ៊ីស្រាអែល​នៅ​តែ​មាន” នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។

កាល​ពី​ខែ​មុន អាជ្ញាធរ​ប៉ាឡេស្ទីន​បាន​ប្រកាស ​ពី​ការ​បញ្ចប់​ការ​សម្រប​សម្រួល​ផ្នែក​សន្តិសុខ ​ជាមួយ​អ៊ីស្រាអែល ក្នុង​ការ​ឆ្លើយ​តប​នឹង​ការ​សម្លាប់​ជន​ជាតិ​ប៉ាឡេស្ទីន​នៅ​ទីក្រុង Jenin នៃ​តំបន់ West Bank៕