ប្រធានាធិបតីអាមេរិក៖ ប្រតិបត្តិការប្រឆាំងភេរវកម្ម របស់អាមេរិក នៅភាគពាយ័ព្យប្រទេសស៊ីរី បានកម្ទេចមេភេរវករ ISIS ដោយជោគជ័យ

បរទេស៖ ប្រធានាធិបតីអាមេរិក លោក Joe Biden បានលាតត្រដាងកាលពីថ្ងៃព្រហស្បតិ៍ថា ប្រតិបត្តិការប្រឆាំងភេរវកម្មរបស់សហរដ្ឋអាមេរិក នៅភាគពាយ័ព្យប្រទេសស...

បរទេស៖ ប្រធានាធិបតីអាមេរិក លោក Joe Biden បានលាតត្រដាងកាលពីថ្ងៃព្រហស្បតិ៍ថា ប្រតិបត្តិការប្រឆាំងភេរវកម្មរបស់សហរដ្ឋអាមេរិក នៅភាគពាយ័ព្យប្រទេសស៊ីរី បានដោយជោគជ័យ ដោយយកក្រុមរដ្ឋអ៊ីស្លាម (IS ដែលពីមុនជា ISIS) មេដឹកនាំ Abu Ibrahim al-Hashimi al-Qurayshi “ចេញពីសមរភូមិ” ។ របាយការណ៍ក៏បង្ហាញថា ជនស៊ីវិលជាច្រើននាក់ ត្រូវបានសម្លាប់ផងដែរ។

យោងតាមសារព័ត៌មាន RT ចេញផ្សាយនៅថ្ងៃទី៣ ខែកុម្ភៈ ឆ្នាំ២០២២ បានឱ្យដឹងថា លោក Biden បានអានសេចក្តីថ្លែងការណ៍មួយថា “កាលពីយប់មិញ តាមការណែនាំរបស់ខ្ញុំ កងកម្លាំងយោធាអាមេរិក នៅភាគពាយព្យប្រទេសស៊ីរី បានដំណើរការដោយជោគជ័យ នូវប្រតិបត្តិការប្រឆាំងភេរវកម្ម ដើម្បីការពារប្រជាជនអាមេរិក និងសម្ព័ន្ធមិត្តរបស់យើង។ អរគុណចំពោះជំនាញ និងភាពក្លាហានរបស់កងកម្លាំងប្រដាប់អាវុធរបស់យើង យើងបានដក Abu Ibrahim al-Hashimi al-Qurayshi ដែលជាមេដឹកនាំក្រុម ISIS ចេញពីសមរភូមិ ។

លោក Biden ក៏បានកត់សម្គាល់ដែរថា ជនជាតិអាមេរិកទាំងអស់ដែលពាក់ព័ន្ធនឹង ប្រតិបត្តិការបានត្រឡប់មកវិញដោយសុវត្ថិភាព។