ប្រតិបត្តិការវាយប្រហារលើការប្រមូលផ្តុំរបស់ក្រុមបះបោរតាលីបង់ធ្វើឡើងនៅក្នុងភូមិ Tawsang នៃស្រុក Dehyak នៅម៉ោង ២និង៣០នាទីរសៀល។ អ្នកនាំពាក្យរូបនោះបានបន្ថែមថា ប្រតិបត្តិការនៅថ្ងៃអាទិត្យបានសម្លាប់សកម្មប្រយុទ្ធចំនួន១០នាក់នៅនឹងកន្លែងនិងបណ្តាលឱ្យសមាជិកសកម្មយុទ្ធចំនួន៣នាក់ផ្សេងទៀតរងរបួស។
ប្រភពក៏បន្ថែមឱ្យដឹងផងដែរថា ក្នុងអំឡុងប្រតិបត្តិការវាយឆ្មក់តាមអាកាសក៏បណ្តាលឱ្យរថយន្តមួយគ្រឿង និងម៉ូតូចំនួន៤គ្រឿងរបស់ក្រុមបះបោររងការបំផ្លាញផងដែរ ។
ក្រុមតាលីបង់ដែលបានអនុវត្តការវាយប្រហារលើទីក្រុង Ghazni នៅសប្តាហ៍មុនមិនទាន់ធ្វើអត្ថាធិប្បាយលើករណីវាយប្រហារតាមអាកាសនោះនៅឡើយទេ។
គួររំលឹកផងដែរថា កងកម្លាំងសន្តិសុខបានចាប់ខ្លួនសមាជិករបស់ក្រុមសកម្មប្រយុទ្ធចំនួន៦នាក់ផ្សេងទៀតពីទីក្រុង Ghazni ដែលជាទីរួមខេត្ត និងនៅតំបន់ជុំវិញទីនោះក្នុងរយៈពេលប៉ុន្មានថ្ងៃកន្លងមកនេះ៕ ប្រភព៖ NCTC
No comments