ឯកឧត្តម កែវ រតនៈ ទទួលជួបក្រុមហ៊ុនអន្តរជាតិចំនួន២ ដែលកំពុងពង្រីករោងចក្រ និងផ្តល់ការងាររាប់ម៉ឺនកន្លែង ដល់ពលរដ្ឋកម្ពុជា

ភ្នំពេញ៖ ឯកឧត្តម កែវ រតនៈ រដ្ឋមន្ត្រីក្រសួងរ៉ែនិងថាមពល នៅថ្ងៃទី៣១​ ខែមករា ឆ្នាំ២០២៤ បានទទួលជួបពិភាក្សាការងារ ជាមួយក្រុមហ៊ុនអន្តរជាតិចំនួនពីរ...

ភ្នំពេញ៖ ឯកឧត្តម កែវ រតនៈ រដ្ឋមន្ត្រីក្រសួងរ៉ែនិងថាមពល នៅថ្ងៃទី៣១​ ខែមករា ឆ្នាំ២០២៤ បានទទួលជួបពិភាក្សាការងារ ជាមួយក្រុមហ៊ុនអន្តរជាតិចំនួនពីរ ដែលកំពុងពង្រីករោងចក្រ និងផ្តល់ការងាររាប់ម៉ឺនកន្លែង ដល់ពលរដ្ឋកម្ពុជា ។

នៅលើបណ្ដាញសង្គមហ្វេសប៊ុក ឯកឧត្តម បានឱ្យដឹងថា ក្រុមហ៊ុនអាល្លឺម៉ង់ Adidas AG បានផ្តល់ការងារឱ្យកម្ពុជាប្រមាណ​ ៤២ ០០០នាក់ ក្នុងចំណោមនិយោជិត សរុបរបស់ខ្លួនជាង ៦០ ០០០នាក់ ក្នុងពិភពលោក។

ដោយឡែក ក្រុមហ៊ុន កែច្នៃគ្រាប់ស្វាយចន្ទីជប៉ុន កំពុងឈានទៅពង្រីករោងចក្រ នៅកម្ពុជាទាំងការយកគ្រាប់ ការចម្រាញ់ប្រេង​និងការយកសំបក និងកាកសំណល់ធ្វើផលិតផលថាមពល ជីវម៉ាស សម្រាប់នាំចេញទៅទីផ្សារជប៉ុន។

ឯកឧត្តម គូសបញ្ជាក់ថា «ប្រភពថាមពលស្អាតលើស ៥០% និងស្ថិរភាពនយោបាយនៅកម្ពុជា​ គឺជាប្រភពនៃការទាក់ទាញធំ សម្រាប់ក្រុមហ៊ុនទាំង២»។