ឯកឧត្តមកិត្តិនីតិកោសលបណ្ឌិត​ ឱម​ យុិនទៀង​ បានអញ្ជេីញចុះចែកអំណោយកាកបាទក្រហមកជូនដល់ចាស់ជរាក្នុងខណ្ឌទួលគោក

ភ្នំពេញ៖​ នៅព្រឹកថ្ងៃសៅរ៍ ៩រោច ខែមាឃ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០៦​ ខែកុម្ភៈ ឆ្នាំ​២០២១នេះ នៅសាលាសង្កាត់ផ្សារដេប៉ូទី២ ក្រុមការងារអ...

ភ្នំពេញ៖​ នៅព្រឹកថ្ងៃសៅរ៍ ៩រោច ខែមាឃ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០៦​ ខែកុម្ភៈ ឆ្នាំ​២០២១នេះ នៅសាលាសង្កាត់ផ្សារដេប៉ូទី២ ក្រុមការងារអនុសាខាកាកបាទក្រហមកម្ពុជា ខណ្ឌទួលគោក បានរៀបចំពិធីសាកសួរសុខទុក្ខ​ និងចែកអំណោយមនុស្សធម៌របស់កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ជូនដល់ចាស់ជរា១០គ្រួសារ ស្រ្តីមេម៉ាយ១០គ្រួសារ ជនពិការ៣គ្រួសារ និងប្រជាពលរដ្ឋដែលមានជីវភាពខ្វះខាត១០គ្រួសារ​ សរុបចំនួន៣៣គ្រួសារ រស់នៅសង្កាត់ផ្សារដេប៉ូទី២ ដោយបានការចូលរួមជាកិត្តិយសពីឯកឧត្តមកិត្តិនីតិកោសលបណ្ឌិត ឱម យុិនទៀង ។
0ក្នុងនាមអនុសាខាកាកបាទក្រហមកម្ពុជា ខណ្ឌទួលគោក​ ឯកឧត្តមកិត្តិនីតិកោសលបណ្ឌិត បានពាំនាំនូវការផ្តាំផ្ញើសាកសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែបានគិតគូរយកចិត្តទុកដាក់ជាប់ជានិច្ចចំពោះសុខទុក្ខប្រជាពលរដ្ឋ គ្រប់ក្រុមគ្រួសារ និងគ្រប់ទីកន្លែង ដោយមិនប្រកាន់ពីនិន្នាការនយោបាយ​ ជាតិសាសន៍ សាសនា វណ្ណៈ ពណ៌សម្បុរអ្វីទាំងអស់ ពោល “កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នា-មិនទុកនរណាម្នាក់ចោល“ ។ ឯកឧត្តម​ ក៏សូមអំពាវនាវដល់លោកតាលោកយាយ​ បងប្អូនទាំងអស់​ យកចិត្តទុកដាក់ពីសុខភាព​ ជាពិសេសបន្តការពារ​ និងរក្សាអនាម័យជានិច្ចតាមការណែនាំរបស់ក្រសួងសុខាភិបាល ដេីម្បីចូលរួមទប់ស្កាត់​បង្ការហានិភ័យពីការឆ្លងជំងឺកូវីដ១៩ ទាំងអស់គ្នា ដោយផ្តើមចេញពីខ្លួនយើង ។
អំណោយមនុស្សធម៌ដែលបានចែកជូនក្នុង១គ្រួសារៗទទួលបាន៖​ អង្ករ២៥គីឡូក្រាម មី១កេស​ ទឹកត្រី១យួរ និងថវិកាចំនួន៤មុឺនរៀល ៕