ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល បានទទួលជួបសម្ដែងការគួរសម និងពិភាក្សាការងារជាមួយ ឯកឧត្តម អ៊ូអិណុ អាត់ស៊ូស៊ី ឯកអគ្គរដ្ឋទូតជប៉ុន ប្រចាំព្រះរាជាណាចក្រកម្ពុជា។

ភ្នំពេញ៖ក្នុងជំនួបសម្ដែងការគួរសម និងពិភាក្សាការងារនេះ ឯកឧត្តម អ៊ូអិណុ អាត់ស៊ូស៊ី បានវាយតម្លៃខ្ពស់ចំពោះវឌ្ឍនភាពនិងសមិទ្ធផលនៃការអភិវឌ្ឍរបស់ព្...

ភ្នំពេញ៖ក្នុងជំនួបសម្ដែងការគួរសម និងពិភាក្សាការងារនេះ ឯកឧត្តម អ៊ូអិណុ អាត់ស៊ូស៊ី បានវាយតម្លៃខ្ពស់ចំពោះវឌ្ឍនភាពនិងសមិទ្ធផលនៃការអភិវឌ្ឍរបស់ព្រះរាជាណាចក្រកម្ពុជា ព្រមទាំងបានលើកឡើងពីការរីកចម្រើនគួរឱ្យកត់សម្គាល់ ក្រោមការដឹកនាំប្រកបដោយចក្ខុវិស័យរបស់ សម្តេចអគ្គមហាសេនាបតីតេជោ ហ៊ុន សែន និងបន្តដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។ ស្របជាមួយគ្នាដែរ ឯកឧត្តមឯកអគ្គរដ្ឋទូត ក៏បានបញ្ជាក់អំពីការបន្តគាំទ្រ និងពង្រឹងកិច្ចសហប្រតិបត្តិការរវាងជប៉ុននិងកម្ពុជា លើវិស័យអាទិភាពនានា ដែលរួមទាំងវិស័យរ៉ែនិងថាមពល ក្នុងគោលដៅរួមចំណែកដល់ការអភិវឌ្ឍប្រកបដោយចីរភាព និងវិបុលភាពរបស់កម្ពុជា។