ក្រុមការងារឯកឧត្តម កែវ រតន: ចុះជួយខេត្តពោធិ៍សាត់

(ពោធិ៍សាត់)៖ កាលពីថ្ងៃទី៣ ខែកក្កដា ឆ្នាំ២០២៦ ឯកឧត្តម អុឹង អៀង អនុប្រធានក្រុមការងារចុះមូលដ្ឋានស្រុកបាកាន និងជាប្រធានក្រុមការងារ និវត្ត...

(ពោធិ៍សាត់)៖ កាលពីថ្ងៃទី៣ ខែកក្កដា ឆ្នាំ២០២៦ ឯកឧត្តម អុឹង អៀង អនុប្រធានក្រុមការងារចុះមូលដ្ឋានស្រុកបាកាន និងជាប្រធានក្រុមការងារ និវត្តជន និងយុទ្ធជនស្រុកបាកាន តំណាងដ៏ខ្ពង់ខ្ពស់ឯកឧត្តមបណ្ឌិត ទី នរិន្ទ ប្រធានក្រុមការងារចុះមូលដ្ឋានស្រុកបាកាន បានអញ្ជេីញចុះសួរសុខទុក្ខនិវត្តជនដែលចាស់ជរា និងមានជំងឺប្រចាំកាយចំនួន៣នាក់ ក្នុងឃុំអូរតាប៉ោង ដូចខាងក្រោម៖

១. លោកយាយ អ៊ុំ សារិន អាយុ ៨១ឆ្នាំ (អតីតគ្រូបង្រៀនសាលាបឋមសិក្សាអូរតាប៉ោង។

២. លោកតា លុយ ញ៉ អាយុ ៨២ឆ្នាំ (អតីតយុទ្ធជន)។

៣. លោក ឈាន សៀ អាយុ ៨២ឆ្នាំ (អតីតគ្រូបង្រៀនវិទ្យាល័យ)។

គោលបំណងនៃការជួបនេះគឺដើម្បី:

១.ជួបសំណេះសំណាល សួរសុខទុក្ខ ពីបញ្ហាសុខភាពនិងស្តាប់ការលំបាករបស់ពួកគាត់

២.ជំរុញឱ្យពួកគាត់ទៅពិនិត្យសុខភាពជាមួយលោកគ្រូពេទ្យស្ម័គ្រចិត្ត របស់ឯកឧត្តម កែវ រតនៈ ប្រធានក្រុមការងារចុះមូលដ្ឋានខេត្តពោធិសាត់

៣.បានជម្រាបនិងជំរុញឱ្យក្រុមគ្រួសារនិវត្តជនដែលមានអត្តសញ្ញាណបណ្ណ ផុតសុពលភាព ប្រញាប់ទៅបន្តសុពលភាព។